Bo día!
Antes de anunciar a persoa gañadora… felicitarvos a todas e todos e darvos as grazas pola participación!
E sen máis… a nosa noraboa a Diana de 4º de ESO, que con 10 retos resoltos é a gañadora deste ano!
Temos un pequeno agasallo que entregaremos ao longo da mañá!
Moitas grazas de novo pola participación e agardámosvos o vindeiro ano!
BO NADAL!
E por fin... chegamos ao final do Calendario de Advento que, por outra banda, significa o inicio das nosas merecidas vacacións!
En canto ao reto de onte, seguro que atopáchedes que a imaxe pertencía ao libro Planilandia de Edwin Abbott Abbott, un libro moi curioso que por suposto vos recomendamos!
Mañá tentaremos ter o reconto feito para anunciar ás persoas gañadoras deste ano. E, sen máis, deixámosvos co último reto deste ano 2022...
Moita sorte!
Boas detectives, a resposta ao reto de onte era o número 64!
Hoxe cambiamos o cálculo pola investigación...
Benvid@s á ultima semana de retos, lembrade que remataremos o mércores, polo que só tedes que resolver tres retos máis. A solución do reto do venres era 42.
E para hoxe... un reto de Álxebra!
Boas detectives!
Efectivamente, o contrasinal consistía en dicir cantas letras tiña o número, así que cando lle dixeron SEIS tiña que ter contestado CATRO. Díchedes coa resposta?
A ver que tal se vos da hoxe!
Fixastesvos ben onte? Sara tiña nove bolas na caixa pero a pregunta era cantas bolas eran vermellas, así que a resposta correcta era TRES.
Imos agora co reto de hoxe, ánimo detectives!
Bo día!
Como vos foi onte?
Atopáchedes a solución?, a palabra ARRANXAR valería 140 puntos. Como sabemos que o reto de onte costou imos con un máis sinxelo para hoxe...
Que tal o reto musical de onte? Podedes escoitar este canon de J. Sebastian Bach pinchando aquí, e ademáis veredes a construción (a partir do minuto 1:45) da Banda de Moëbius coa sua partitura co que logran mostrar "una correspondencia musical y armoniosa con la singular geometría de dicha superficie". Máxico!
E para hoxe un reto para romper a cabeza!
Ola de novo!
Despois de conmemorar, o día 9, o nacemento de Grace Murray Hopper en 1906 e celebrar o Día Internacional da Informática pasamos a algo máis artístico!
Hoxe pasamos de Karen Uhlenbeck que recibiu o seu premio Abel no ano 2019 (divisible entre 3, polo tanto COMPOSTO) a outra muller...
Bo día, detectives!
Esperamos que collerades forzas nesta ponte para seguir investigando. Na nosa última entrada compartíamos unha imaxe das catro artes do Quadrivium: Aritmética, Xeometría, Música e Astronomía, infundindo sabiduría a tres matemáticos: Pitágoras, Euclides e Ptolomeo e a Tubalcaín, personaxe bíblico que se considera o pai da metalurxia.
Hoxe, presentámosvos a unha matemática...
Bo día!
Descubriríades onte que o vindeiro ano feliz será o 2026, non si?
Imos a polo reto de hoxe...
Benvid@s a unha nova edición do Calendario de Advento SansaLudoMates!
Lembrade que tedes que deixar a solución aos retos na Aula Virtual do cole, no curso Calendario de Advento 2022.
E sen máis, deixámosvos co primeiro reto de este Advento, boa sorte!
Un ano máis achégase o Nadal e poñemos en marcha o noso Calendario de Advento. Cada día un novo reto ata chegar ás vacacións de Nadal. Despois de Nadal anunciaremos as persoas gañadoras!
Lembrade o funcionamento do Calendario...
Cada día, a partir das 9 da mañá publicaremos no blogue un reto, despois de investigalo teredes que dar a solución na Aula Virtual do cole, na sección de Matemáticas, en SansaLudoMates/Calendario de Advento 22.
Moita sorte detectives!
A semana pasada Tomás, de 2º ESO foi a Lugo á final galega da Olimpíada Matemática, xunto con outros 40 rapaces e rapazas de toda Galicia.
Foi unha xornada intensa, cunha proba individual de 2 horas e despois unha proba por equipos na que o grupo de Tomás resultou o gañador.
Parabéns polo teu bo traballo, curiosidade e entusiamo por "darlle á cabeza". Nunca os perdas.
Ao resto... animádevos a participar en este tipo de iniciativas para o vindeiro curso!
O noso alumno Xaquín de 1ºB foi o gañador do concurso de Esopías organizado por Agapema este ano, foi o pasado sábado a A Coruña, á Feira Matemática, a recoller o seu agasallo.
E Tomás de 2ºB pasou a primera fase da Olimpiada Matemática e irá o 26 de maio a Lugo a participar na final galega. Moita sorte Tomás!
E noraboa aos dous!
A Asociación Galega do Profesorado de Educación Matemática, organiza todos os anos a Olimpíada Matemática para 2º ESO. O seu obxectivo e promover a ensinanza e aprendizaxe das Matemáticas a través da resolución de problemas.
O día 21 de abril os nosos tres olímpicos, Uxía, Tomás e Iria, viaxaron a Ferrol para poñerse a proba. Xunto con outros 30 alumn@s de centros da comarca estiveron loitando dúas horas cos problemas.... e aínda lles pareceu pouco tempo! :)
Parabéns e non perdades as ganas de afrontar retos!
Se queredes lelas e votar por algunha delas (só podedes votar por unha) pinchade aquí.
Noraboa, Inés e Xaquín!
Este pasado mes de marzo dous grupos, cada un
de 8 valentes, aceptaron o reto de participar na XXX edición do Rally Matemático
sen Fronteiras. O xoves 24 de marzo o grupo de 2º B e o de 1º B resolveron en conxunto
5 problemas. Foi unha tarde de nervios, emoción e algunha risa.
Despois enviamos os resultados ao xurado e
tocou esperar. Mais foi unha espera feliz, xa que aos poucos días descubrimos
que o grupo de 1º B fora un dos 3 mellores de Galicia!!
O seguinte paso foi ir a Santiago o día 1 de
abril e, na solemne Facultade de Química, realizar outra proba matemática. Con
algo de nervios, pero máis ilusión Icía, Carlos, Pablo, Antón, Iker, Raúl, Zoe
e Zeltia aceptaron o reto e, pese a que non acadaron o primeiro lugar, fixeron
un gran traballo.
Seguro que esta foi unha experiencia que non esquecerán.
Esperemos que o curso que ven repitan e que tamén se apunten moitos máis compañeir@s!
Parabéns a todos os participantes e a Verónica
Fraga Lamas, profesora de matemáticas de 1º B!
Bos días a tod@s!
Hoxe temos o pracer de presentarvos a fotografía gañadora do noso
concurso de fotos matemáticas. Non imos a escribir moito máis, xa que,
non é certo que vale máis unha imaxe que mil palabras?
"Caracola aurea" de Bea 2º ESO A
Moitas gracias a tod@s por participar e felicidades á gañadora.
Esperámosvos na edición do
ano que ven!
E cando dicimos día de PI, queremos dicir día das
matemáticas, xa que a UNESCO elixiu este día para conmemorar as matemáticas.
Porén, o día de pi, como tal empezou a celebrarse en 1988 no museo
Exploratorium de San Francisco. Todo xurdiu como unha broma entre varios dos
empregados do museo e case 25 anos despois, temos actividades matemáticas neste
día por todo o globo!
Pola nosa banda, como actividade para este día propoñémosvos
realizar unha esopía.
Unha que...? estaredes dicindo. Pois ben, unha esopía é un relato,
comentario ou poema, cun máximo de 141 carácteres, onde cada palabra leva un
número de letras (non está permitido o uso de cifras) igual ás sucesivas cifras
do número π.
Seguro que facedes esopías extraordinarias!
Un ano máis para conmemorar o Día da Muller queremos propoñer de novo unha actividade para dar a coñecer o traballo de mulleres no campo das Matemáticas.
Queremos manter a tradición e igual que o pasado curso, a actividade consiste no deseño dun marcapáxinas dedicado a unha matemática proposta polo Departamento. Unha das caras do marcapáxinas imprimirase cun deseño de Primaria e a outra cun deseño de Secundaria, e repartiranse entre todo o alumnado do centro.
Este
ano a matemática que queremos dar a coñecer é Ada Lovelace. Que ademáis está considerada a primeira persoa "programadora" da historia.
Invitamos a todas e todos a que investiguedes un pouco para coñecer a súa vida, e inspirarvos para facer un deseño que inclúa a súa imaxe (debuxo, caricatura...), algún dos seus logros, debuxos, frases...
Podedes descargar a plantilla na que debedes deseñar o marcapáxinas aquí (ollo! imprimídea en tamaño A4) ou podedes pedir a plantilla impresa a calquera dos profes do Departamento (Jose ou Verónica).
Recolleremos os vosos deseños durante todo o mes de marzo.
Animádevos a participar!
As matemáticas están por todas partes e rodean a nosa realidade. Serás capaz de capturalas nunha foto?
Desde sansaludomates dámosche a oportunidade de mostrar o teu lado artístico convocando unha segunda edición do noso concurso de fotografía matemática. Nesta entrada tes as bases e, se tes algunha dúbida, podes consultar co teu profesor/a de mates.
Anímate a participar e sorpréndenos coas túas fotos!
 |
| Escala titánica |
II CONCURSO DE FOTOGRAFÍA MATEMÁTICA CPI SAN SADURNIÑO
BASES
–
Pode participar TODO o alumnado do CPI San
Sadurniño.
–
Pode
presentar fotografías, fóra de concurso, todo o profesorado e persoal non
docente do centro.
–
As fotografías
tratarán de todo o relacionado con temas matemáticos: xeometría, simetría,
cálculo, matemáticas na contorna, proporcionalidade, estatística…
–
As
fotografías deben ser orixinais, non se poden presentar fotografías sacadas de
internet ou que non sexan realizadas polo concursante.
–
As
fotografías DEBEN IR acompañadas dun título e do nome e curso da
persoa que as envía.
–
Cada
concursante poderá presentar dúas fotografías como máximo.
–
O formato das fotos deberá ser JPG ou PNG
–
As fotografías enviaranse á dirección: sansaludomates@cpisansadurnino.org
indicando no título da mensaxe: concurso fotografía matemática.
–
A data límite
para entregar as fotos é o 28 de febreiro de 2022.
–
- As fotografías enviadas publicaranse no blog do
departamento para darlles publicidade.
–
Un xurado
formado por profesorado do centro elixirá a fotografía gañadora.
–
O xurado valorará tanto a foto como o título.
–
O concurso pode ser declarado deserto.
–
A decisión sobre as fotografías gañadoras será
inapelable.
–
Todas as
fotografías presentadas pasarán a ser propiedade do Departamento de Matemáticas
do CPI San Sadurniño, que poderá facer uso das mesmas con fins educativos,
indicando, en todo caso, o nome do autor/a.
–
A
participación no concurso implica a aceptación das bases.
O
29 de xaneiro celébrase o Día Mundial do Rompe cabezas, tamén coñecido nos
países anglosaxóns como "Puzzle Day".
Este
curso, fixemos varias actividades conmemorativas en 1º, 2º e 4º da ESO. Por
unha banda xogamos ao Tetris, un rompe cabezas dixital que leva triunfando
desde os anos 80.
Ademais,
un simpático grupo de leprechaun foi de excursión ao castelo de Naraío e
perdeuse algún polo camiño!
Aínda
que o Día do Rompe cabezas xa pasou non deixedes de exercitar o cerebro con
estes divertidos pasatempos.
Ano novo e enerxías renovadas, así comezamos este 2022 no Departamento de Matemáticas, e vos?
Polo
pronto toca anunciarvos aos gañadores da segunda edición do Calendario de
Advento co que rematamos o ano 2021.
A
competición estivo tan axustada que… non temos 1 gañador, nin 2, nin 3, senón
que temos 5 gañadores/as!
Esta
é a lista de persoas que conseguiron acertar 9 dos 12 enigmas.
Nelson
BL 2º ESO
Ainoa
BP 1º ESO
Carolina
CS 2º ESO
Zoe
CS 1º ESO
Uxía
LP 2º ESO
Parabéns
aos 5 gañadores. E aos 51 que non o
conseguistes, nora boa e grazas pola vosa participación. Non perdades o ánimo,
haberá máis actividades nas que participar!
