Exposición de Papiroflexia

Durante todo o día de hoxe terá lugar unha pequena exposición de pezas de papiroflexia (origami) no noso colexio. Poderedes desfrutar dela no patio interior do edificio de secundaria.

Na exposición atoparedes distintos tipos de pezas, dende pezas construídas cun so pedazo de papel ata figuras modulares formadas por ducias ou centos de peciñas iguais.

Observade a sección de "Isto non é papiroflexia" e matinade sobre a diferencia que teñen coas outras figuras para se descartaren.

A continuación tendes varios enlaces para saberdes un pouquiño máis de papiroflexia e intentardes facer algunha figura. Animádevos a buscar máis e non esquezades enviarnos fotografías das vosas creacións!!

Peixe.

Ra saltarina. 

Lentes. É máis doado facelos que ver por eles.

Marionetas de dedos.

Módulos Sonobe. Deseño de cada módulo e construción de distintos poliedros.

Cisne. Origami en 3D con módulos chineses.

Circunferencias

Hoxe toca ensinar e presumir do traballo do noso alumnado.

As rapazas e rapaces de 4º de ESO construiron as súas propias circunferencias goniométricas para traballar a trigonometría. Aquí deixamos unhas mostras do seu estupendo traballo.

Fallo do concurso de puntos de lectura

Por fin chegou o momento!!

Xa temos resultados para o concurso de puntos de lectura deste curso.

Na sección de Primaria o premio declárase deserto.

Na sección de Secundaria o deseño gañador é o de Alma P. S. de 2ºESO-A.

Parabéns á gañadora e grazas a todos e todas as participantes. Nada disto é posible sen vós.

Antes de rematar o curso poderedes desfrutar do voso marcapáxinas co novo deseño.

PD: Non esquezades participar no concurso de fotografía este mes.

Mais vale tarde...

Bo día a tod@s!

Hoxe mostrámosvos o resultado do día no que @s nos@s peques do centro pintaron o número PI. Ademáis, tod@s el@s sabían algunha cousiña deste número tan especial, sobre todo, tiñan moi claro que é un número moi, moi longo... e se non o credes mirade...