Máis calendarios

Despois destes días de calendario de advento non queremos despedirnos sen deixarvos un auténtico calendario.

Remata o Calendario de Advento

A resposta ao enigma de onte son os números combinatorios, que coñeceredes antes de marchar do colexio. 

Hoxe despedímonos do noso Calendario. Á volta das vacacións publicarase a listaxe de gañadoras e/ou gañadores.

 

Non esquezades pasar mañá por aquí para unha nova entrega de calendarios.

Calendario de Advento. Día 21.

 O matemático e poeta do enigma do pasado venres era Omar Jayam.

Cada vez que escribides 3²=6 morre un coelliño. Menos mal que temos a Fibonacci.

Calendario de Advento. Día 18

 A resposta ao enigma de onte era Piet Mondrian.

Se pensabas que as matemáticas e a poesía non tiñan nada que ver hoxe levarás unha sorpresa.

Este vez queremos saber o nome do matemático e poeta da Idade Media que escribiu a poesía da presentación e viviu na enigmática Samarcanda.

Calendario de Advento. Día 17.

 A curva en forma de corazón do enigma de onte chámase CARDIOIDE.

Hoxe viaxamos a Basilea e visitamos o museo da Fundación Beyeler.

Calendario de Advento. Día 16

Avanzamos no calendario detectives, que non decaia o ánimo!

O alquimista do enigma de onte era Isaac Newton.

Imos co de hoxe:

Calendario de Advento. Día 15

A película pola que preguntabamos onte é Cortina Esgazada (Torn Curtain), dirixida por Alfred Hitchcock.

Hoxe buscamos o nome dun alquimista afeccionado, que tamén escribiu sobre outro par de temas...

Calendario de Advento. Día 14.

 A resposta correcta á cuestión do pasado venres é: Möbius

Hoxe imos ao cine.

Calendario de Advento. Día 11

 Bo día a tod@s!

O escultor do enigma de onte era Fidias, e no cadro mostraba o friso do Partenón aos seus amigos.

Para hoxe arte e matemáticas...

Calendario de Advento. Día 10

Onte preguntabamos pola obra de Escher e a resposta eran os mosaicos ou teselacións.

No enigma de hoxe falamos de arte

Calendario de Advento. Día 9.

A resposta á pregunta do venres pasado é Cono de Apolonio.

E para hoxe un novo enigma que resolver.

Calendario de Advento. Día 4

A nave espacial do enigma de onte era a Mars Climate Obiter

Hoxe toca un enigma de XEOMETRÍA, a por el...

Calendario de Advento. Día 3

O gañador do Nobel polo que preguntabamos onte era John Forbes Nash, un experto en Teoría de Xogos.

No enigma de hoxe viaxamos a Marte, ou case...

 

 

Calendario de Advento. Día 2.

O matemático do enigma de onte era o sueco Helge von Koch.

Noraboa ás que atinastes. Hoxe tedes a segunda oportunidade para ir sumando puntos.

Calendario de Advento. Día 1

Benvid@s ao noso calendario de advento 2020! A partir de hoxe e ata o día 22 teredes, cada día lectivo, un enigma que resolver. As respostas tédelas que fornecer na Aula Virtual do cole, lembrade que cantos máis enigmas resolvades máis puntos acumularedes e máis posibilidades teredes de conseguir un premio aos/ás mellores detectives!

 

Calendario de Advento.

Os que cursades relixión xa houbestes escoitar estes días
falar do tempo de Advento. 

Pero os calendarios de advento xa non son somentes patrimonio relixioso. De seguro que moitos tendes un calendario con chocolates para contar os días que quedan para o día de Noiteboa. 

Desde o SansaLudoMates presentámosvos o noso propio calendario de advento para contar os días que quedan ata as vacacións de Nadal. Cada día que queda de clase ides ter (a falta de chocolate) un enigma para resolver.

Neste blog irán aparecendo cada mañá enigmas para que investiguedes un pouco. Despois teredes que introducir a resposta na aula virtual e.... a sumar puntos! Para introducir as vosas respostas debedes entrar no curso que vos corresponda.

Á volta das vacacións haberá un agasallo para @s mellores detectives matemátic@s. 

Animádevos a participar.

Papiro de Ahmes

No ano 1858 o exiptólogo escocés A. Henry Rhind atopou en Luxor un papiro do século XVII antes de Cristo, no que o escriba Ahmes recollía problemas que, segundo a súa afirmación, ¡xa tiñan  200 anos de antigüidade!

 

O papiro mide uns 6 metros de lonxitude e 33 de ancho e conten 87 problemas coa súa resolución. Non sabemos o motivo polo que se escribiu o papiro, nin nada máis sobre Ahmes… era un profesor? un alumno?....

 

Gustaríache  resolver un problema que ten case 4000 anos?

O problema 26 di que uhna cantidade e a súa cuarta parte suman 15. Pídese calcular a cantidade

Cal é a cantidade buscada?

Comezou outubro

Acabamos de estrear outubro e pensaredes que non ten nada que ver coas matemáticas. Erro. As matemáticas están en todas partes.

Outubro é unha palabra que provén da latina octobris. Como todas sabedes «octo-»  significa «oitavo». Octobris é, polo tanto, o «oitavo mes». 

Pensa en que outros meses teñen nomes similares. 

Por que lle chamamos outubro ó décimo mes?

Investiga un pouco e deixa aquí
os teus comentarios.

Xogo de final de curso

Para rematar o curso un xogo de misterio no que teredes que convertirvos en detectives para seguir a pista a un obxecto roubado de gran valor.
Esperamos que vos guste!

Non agardes máis e pincha aquí.

Día internacional da muller matemática

Para celebrar este día tan especial deixámosvos un vídeo sobre dúas mulleres moi especiais presentado por unha muller tamén espectacular.

Esperamos que vos guste. 

https://youtu.be/lNqbyvYecGI

As matemáticas suman na sociedade

Hoxe presentámosvos un novo artigo de prensa sobre as matemáticas e a necesidade da súa aprendizaxe.

Spoiler: cóntanvos que se estudades matemáticas tendes a vida solucionada.

Se non vos apetece a lectura completa ide directamente ata o final. Alí atoparedes algunhas curiosidades sobre os números.

Fe de erratas: cando fala do número un hai un erro na definición de gúgol (googol lle chaman). Supoño que froito do anumerismo habitual no xornalismo. Un gúgol é o número formado por un 1 seguido de cen ceros.

10.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000

https://www.leonoticias.com/vivir/ciencia/importancia-matematicas-sociedad-20200508134923-ntrc.html

Pregunta a unha matemática

O día 12 de maio é o día da muller matemática. Desde «Mujeres y Matemáticas RSME» hai varias propostas para a súa celebración. Aquí presentamosvos unha delas.
Estás considerando unha carreira en investigación matemática? Sintes curiosidade polas experiencias de investigacións en matematicas? Seleccionáronse un grupo de mulleres que se dedican á investigación matemática para responder as preguntas e curiosidades de aquelas persoas interesadas.
Envía as túas dúbidas por correo electrónico ou a través das redes sociais antes do 8 de maio. O 12 de maio compartiranse as respostas en YouTube.
Correos electrónicos:
mujeresymatematicas.rsme@gmail.com
womat@icmat.es
Redes sociais:
@mymRSME en Facebook, Twitter e Instagram
@WOmenMAThs en Facebook
YouTube:
https://m.youtube.com/channel/UCeHHVauESn8hREiFoGPEB5Q

Para que serven as matemáticas?

No seguinte artigo tendes unha resposta. Unha entre milleiros.

https://m.eldiario.es/sociedad/ejercito-matematicos-evolucion-Espana-confinamiento_0_1012799119.html

Reto PUZZLES

Como xa saberedes somos unhas entusiastas do xogo educativo e de todas aquelas actividades que fagan traballar as nosas neuronas!

Nesta ponte propuxémoslle ao alumnado de 1º ESO que fixese puzzles e os compartise no Entorno Virtual de Aprendizaxe (EVA) que usan para traballar.

Aquí tedes algúns dos resultados: 2425 pezas nesta ponte.

Grazas a todas as persoas que montaron puzzles na ponte e animamos a tod@s a seguir participando pois seguides tendo a actividade aberta!

Como nos axudan as matemáticas a combater ao COVID-19

Hoxe recomendámosvos un artigo publicado nestes días no portal de ciencia galego GCiencia.

 

Nese artigo ponse de manifesto o importante papel das matemáticas na investigación dunha pandemia. Animámosvos a que o leades e o comentedes, como tamén outros artigos científicos do portal que poidan ser do voso interese.

Juan José Nieto Roig

O pasado día 17, na Voz de Galicia, publicaron un artigo no que o matemático galego Juan José Nieto Roig explica como as matemáticas poden axudar a predecir a evolución dunha epidemia: "El pico máximo de contagios se producirá a principios de abril".

Juan José José Nieto Roig é catedrático de Análise Matemático na USC e ademáis membro da Real Academia Galega de Ciencias (RAGC) dende 1991.
É, ademáis, cofundador de CorBi Foundation que é unha institución que promove a investigación biomédica aplicando as matemáticas e a computación a ese campo.

Aquí tedes algúns enlaces a diferentes artigos nos que aparece que vos poden resultar de interese:

• El País: "Nace CorBi Fountation para impulsar la investigación biomédica a nivel internacional"
• El Ideal Gallego: "El segundo matemático más citado aprendió aquí a sumar"
• El Correo Gallego: "Dos profesores de la USC, entre los investigadores más relevantes de 60 países"
• El Correo Gallego: "Nieto Roig continúa en la lista de investigadores altamente citados"

Peregrina Quintela

O pasado día 10, en GCiencia, publicaron unha entrevista á unha das mellores matemáticas de Galicia: Peregrina Quintela Estévez.

Peregrina Quintela é:

• Catedrática de Matemática Aplicada da USC.
• Presidenta da Red Española Matematica-Industria (math-in).
• Directora do Instituto Tecnolóxico de Matemática Industrial (ITMATI).
• Gañadora do Premio María Josefa Wonenburger Planells 2016, que destaca as traxectorias relevantes de mulleres nos eidos das ciencais e a tecnoloxía.

No seguinte enlace podedes ler a entrevista: Peregrina Quintela: "Para acabar coa fenda de xénero hai que ter conciliación real"

E aquí tedes a súa páxina persoal para coñecer máis dela: Peregrina Quintela.