Día Internacional do CREBACABEZAS!

Como temos días para todo... este martes, 29 de xaneiro, celebrábase o Día Internacional do Crebacabezas!
Os crebacabezas son xogos con moitísimos beneficios para o desenvolvemento das nosas nenas e nenos (para ver algúns deles podedes ler aquí), por iso quixemos aportar o noso graíño de area á promoción deste xogo, fabuloso en todas as suas variantes.

Aproveitamos o obradoiro do martes para facer un crebacabezas tradicional pero con sorpresa... un crebacabezas reversible.

Noraboa Sol, Paula, Irene e Carme por ese gran traballo en equipo en tempo récord!

E no tempo de lecer de hoxe organizamos un pequeno concurso de Tangram por parellas.

Felicitar as gañadoras: Lucía e Alicia, de 3º de ESO e darvos, a todas e todos os participantes, as grazas polo entusiasmo mostrado. Iso nos alenta a organizar máis actividades coma estas.

MOITAS GRAZAS!!!!

Este martes tivemos xornada de investigación

Que relación existe entre a lonxitude dunha circunferencia e o seu diámetro?

Sinxelo non? Se dividimos a lonxitude dunha circunferencia entre o seu diámetro sempre obtemos o número 𝝿!

Xornada lúdica antes de Nadal

Despois de días de moito traballo, exames... que mellor que un ratiño xogando! Eso si, poñendo a funcionar esas cabeciñas... con xogos de lóxica e visión espacial.
Moitas grazas a David e Daniela por prestarnos estes xogos! Son un agasallo perfecto para sorprender nestas datas porque ofrecen moito máis ca diversión! 

Xornada de Tangram

Hoxe estivemos xogando con TANGRAMS. Encántanos este xogo porque ten multitude de posibilidades...
Non tedes máis que descargar o ficheiro e recortalo para empezar a disfrutar...
Aquí tedes un video curioso...

Obradoiro de papiroflexia

Este martes estivemos facendo papiroflexia, o tempo pasou voando, cando nos decatamos xa era hora de recoller... non tivemos tempo nin de sacar fotos a todas as persoas participantes!

Na aula virtual tedes os arquivos cos esquemas das figuras que fixestes.

Moitas grazas a tod@s por participar!